Landsrådet for Norges barne- og ungdomsorganisasjoner

Aktiv fritid

Mange barn og unge i Norge manglar gode fritidstilbod fordi foreldra har dårleg økonomi. LNU meiner at barn og unge har rett til ei aktiv fritid, og jobbar for at alle skal ha råd til å delta i fritidstilbod der dei bur. Barne- og ungdomsorganisasjonene skaper rimelege fritidstilbod, men sjølv små medlemskontingentar og eigenandelar kan hindre nokre barn og unge i å delta. Gjennom samarbeid om ulike tilbog og tilskotsordningar, kan kommunene og barne- og ungdomsfrivilligheita saman skape betre oppvekstvilkår for alle. 

Ung leiarskap og deltaking

LNU jobbar for at ungdom skal bli anerkjend som endringsaktørar i utviklings- og klimapolitikk, ikkje berre bli sett på som målgruppe for ulike tiltak. LNU jobbar difor for å sikre unge si deltaking både lokalt og i internasjonale fora. Ein viktig del av dette arbeidet er å sikre faste ungdomsdelegatar i internasjonale forhandlingar som vedkjem barn og unge. 

I arbeidet mot hiv og aids er det viktig å sikre ung leiarskap. 40 prosent av dei som blir smitta av hiv er unge menneske. Ungdom er ekspertar på eigne liv, men likevel blir ungdom ofte berre ei målgruppe i arbeidet med hiv. Skal vi snu hiv-pandeminen, er infomrasjon, kunnskap og innsats frå unge avgjerande. Ungdom Nord og Sør må difor få delta i både nasjonale og internasjonale strukturar og dei må sikrast innverknad når avgjerer skal takast. 

Stadig oftare blir levekåra og bumiljøet for barn og unge forverra av miljø- og klimaendringar, spesielt i det globale Sør. Internasjonale konvensjonar gir barn og unge rett til vern og rett til å delta i klimakampen. LNU krev at Noreg tek ansvar for desse rettane, nasjonalt og internasjonalt.