Landsrådet for Norges barne- og ungdomsorganisasjoner

Ungdommens maktutredning

LNU var ein av pådrivarane for Ungdommens maktutredning. I desember 2011 legg eit offentleg utval fram den ferdige utgreiinga om ungdoms makt og deltaking i Noreg, og LNU følgjer arbeidet tett. 

Røysterett for 16-åringar

LNU meiner at 16- og 17-åringar bør få røysterett, for å gje unge betre mulegheiter til å påverke saker som vedkjem dei i kvardagen, der dei bur. Grunnskolen skal etter formålsparagrafen gje den nødvendige opplæringa for å delta i demokratiet. Erfaringane og kunnskapane til 16- og 17-åringar er like viktige som erfaringane og kunnskapane til andre veljargrupper. Aktivt medborgarskap og valdeltaking er noko ein må lære. Ungdom bør derfor få mulegheit til å delta i sitt første val medan dei fleste framleis er i ein læringssituasjon i lokalmiljøet. 

Stem1209

LNU jobbar gjennom kampanjen Stem1209 for at fleire unge veljarar skal bruke røysteretten sin. Unge røyster trengst for å få betre avgjerder i kommunestyre, fylkesting og på Stortinget. Vedtaka som blir fatta der handlar om skole, helse, samferdsle og arbeidsplassar. Valet kan derfor endre kvardagen for barn og unge der dei bur, og tilhøva for dei lokale barne- og ungdomsorganisasjonane. Og om du ikkje bruker stemmeretten din er det andre som stemmer for deg.